Kasi na FRIENDZONE

Anu bang meron sa mga chinito?
Sa sobrang trending pati ako nakiuso
Napansin na kita simula pa noon
Pero nawala ka ng ako 'y lumingon
Gumalaw sa tiyan ko ang mga paru- paro
Diko akalaing totoo pala ito

Lumipas ang maraming pang oras
Nahulog ka kasi 'di nakatali ang iyong sintas
Parang biruan lang ang inyong paghaharot
Totoo na pala kasi sakin may konting kirot
Pero bakit may ganung feeling
Eh duh di naman kita ka- fling

Yung pagtingin ko sa sayo parang traffic sa EDSA
Unti- unti na akong nawawalang ng pag- asa
Pinili ko na lang na maging friends tayo
Kasi yung puso ko di mo naman sinalo
Masarap sa feeling na araw- araw kausap kita
Kahit na ang lagi mong sinasabi ay mahal mo siya

Kung may love story tayo ako ang director
At ang dialog mo lang ay I Love You More
Pero sa reality di naman talaga ganoon
Dahil ang pagtingin mo sa kanya nakatuon
Binigay mo lahat ng hinigi niyang regalo
Samantalang ako puso mo lang ang ginusto

Ok na din ako sa role ng isang kaibigan
Pag nag away ikaw ang takbuhan
Tipong ulo niya sa balikat mo
Sa sandaling oras siya ay naging sayo
Pag nagkabati, sila ang masaya
Ikaw naiwan ulit na naka nga- nga

Hindi ikaw ang pinaka close kong tropa
Pero ikaw ang gusto kong laging kasama
Kung sa camera mo lagi siyang may kuha
Sana yung mata mo ako naman ang makita
Mahirap pala lumaban kapag alam mong talo ka
Lalo na kung walang kang armas na dala

Isang araw nagkaroon ng popoy at basha
Pero di ikaw si popoy kasi merong iba
Naguluhan ka sa kung anung meron kayo
Kung ako lang sana ang minahal mo di sana ganito
Kahit 'di ako ang dapat nagpapasaya sayo ginawa ko ang lahat
Pero kulang pa din kasi alam ko hindi ako sapat

Yung pagtingin ko sayo parang paghinga
Bakit ko ba pinipigil kung di ko kaya
Handa na akong sabihin sayo sana
Pero muli pinili at minahal mo siya
Hindi masakit na bumalik ka sa kanya
Ang masakit ay nung sabihin mong " buti FRIEND kita"